بسم الله الرحمن الرحيم
السلام عليكم ورحمة الله وبركاته
قبل أي حاجه ممكن تقول الكلمتين دول
————–
سبحان الله وبحمده
سبحان الله العظيم
————-
انا هبدأ شرح برنامج مهم جدا للنت المجاني للكمبيوتر
البرنامج ده هتقدر من خلاله تشغل النت مجانا عندك وتستفيد ايضا من عروض شبكات المحمول الي بتنزلها للموبايل انترنت
طبعا لازم يكون عنددك فلاشة نت موبينيل وحط جواها خط فاضي مفهوش رصيد
انا هحط شرح بالصور من بداية تشغيل البرنامج ووضع اعداداته لحد ماتشغل النت عندك مجانا
اولا تحميل البرامج الي هتحتاجها
—————-
——–
بعد تصطيب برنامج يور فري نت خرج الايكونه بتاعته علي سطح المكتب
وبعد كده اضغط عليها ثم اففتحها من شريط الادوات الي موجود اسفل سطح المكتب زي ماهو ظاهر فالصوره الاتيه
كده البرنامج فتح
اضغط علي تعديل السيرفر كما هو موضح بالصوره الاتيه
بعد كدا هتظهرلك صفحة فيها مستطيل ابيض
اضغط جواه ضغطتين زي الصوره الي جايه دي
كده انت تقدر تكتب السيرفر بس احذف القديم الاول
وبعد ماتكتبه اضغط حفظ وخروج ثم حفظ وخروج مره تانيه
عشان نحفظ الاعدادات الي كتبناها زي ماهو ظاهر بالصوره الاتيه
لحد هنا واعدادات اليور فري نت خلصت
حد هيقولي انا معنديش سيرفرات مجانيه اجبها منين؟؟؟؟
انا هحط كام سريفر لشبكة موبينيل اشتغل بيهم
بس طبعا السيرفرات دي ليها وقت وبتتوقف
وفي الحاله دي كل الي هيتغير فالموضوع هو السيرفر بس والشرح هايفضل زي ماهو
موبينيل2013
- اقتباس :
——————–
نروح لاعدادات المتصفح اوبرا
انا مستخدم فالشرح اوبرا11 طبعا فيه احدث منه بس انا بفضل ده
بعد ماتصطب البرنامج اضغط علي menu
هتلاقيها اعلي الصفحه .. هتظهرلك قايمه
اختار منها settings ثم preferences
بعد كده هتفتحلك بنر صغير اختار منه network
وبعدبن اضغط علي كلمة proxy servers
عشان تفتحلك صفحة البروكسيات الي هتكتب فيها
هتفتتحلك نافذه اخري
فيها مكان للبروكسي والبورت
حط علامه علي اول خمس كلمات عشان تقدرتكتب البروكسي فالفراغات
البروكسي ده ثابت ومبيتغيرش وممكن تظبط بيه أي برنامج عشان يشتغل علي اليور فري نت
يعني أي برنامج هتحط فيه البروكسي ده والبورت بتاعه هيشتغل مجانا علي اليور فري نت
البروكسي 127.0.0.1
البورت 8080
بعد كتابة البروكسي والمنفذ في الفراغات الخمسه
ضع علامه علي use proxy for local servers
تمام كده .. اضغط اوك بقي عشان تحفظ الاعدادات
تابع الصوره الي جايه فيه كل الي شرحناه بتوضيح اكتر
بعد ماظبطنا الاوبرا ماتنساش حاجه مهمه جدا وهو التربو الخاص بالاوبرا
خليك ديما متأكد شغال ومنور اخضر
ولو النت قطع معاك اول حاجه تشوفها هو التربو ده لو مش منور اخضر اضغط عليه عشان يتغل
تابع الصوره الي جايه دي
لحد هنا وانتهينا من الشرح ومعاك النت شغال تمام
اه صحيح نسيت والله انت هتعمل ايه بالنت منغير داون لود؟؟
الداون لود في بالسيرفرات دي بيوصل ل 500 ك ب\ث
يعني حاجه بعيد عنك ماتتوصفش ————-
ندخل علي اعدادات الداون لود مانجر عشان تعرف تحمل الي انت عايزه
اولا افتح البرنامج واضغط علي خيارات كما هو موضح بالصوره الاتيه
وبعدين هايفتحلك نافذه زي ماتعودنا اختر منها ملقم وكيل socks/
تابع الصوره الي جايه دي
هتظهرلك صفحة الاعدادات الي هنكتب فيها البروكسي بتاعنا
اولا حط علامه علي استخدام ملقم الوكيل
الي هو البروكسي يا متعلمين يابتوع المدارس وبعدين اكتب فالفراغ الي تحته البروكسي الي احنا قولنا ده ثابت ومش بيتغير ونقدر نعدل بيه أي برنامج
البروكسي 127.0.0.1
البورت 8080
بعد كده اضغط اوك للحفظ واقفل البرانامج
كده احنا ظبطنا كل حاجه مش فاضل غير اننا نروح علي برنامج يور فري نت ونضغط ابدأ الاتصال
زي الصوره الي جايه دي
البرنامج كده شغال روح الاوبرا شغل التربو وابدأ تصفح وحمل براحتك والسرعه مفتوحه
يارب اكون قدرت اوضح ومايكونش في أي تقصير فالشرح